ပန်းပွင့်စီးချင်း

“ပန်းပွင့်စီးချင်း”

♥ ♥ ♥  ♥ ♥ ♥ ♥ ♥

ဟိုမှာကြည့်စမ်း....နှင်းဆီတစ်ပွင့်

အသွေးရင့်ရင့်နဲ့ လျှမ်းလျှမ်းတောက်

ပွင့်ဝေနေလိုက်တာ

ဆူးတို့ရဲ့မာန် ဆူးတို့ရဲ့ဟန်နဲ့

ခက်ထန်နေလိုက်တာ

မနွမ်းပန်းလို့များ ထင်ရော့လေသလား နှင်းဆီ....

နုညက်တဲ့ ပွင့်ဖတ်များရဲ့နောက်မှာ

အဆိပ်တွေ ၀တ်မှုံသိုထားတယ်

နင့်ရနံ့များရဲ့ လွှင့်စေရာအောက်မှာ

ကြေပျောက်သွားတဲ့ အသဲနှလုံးတွေနဲ့

ဘယ်နှစ်ယောက်များ တွန့်ခေါက်ကုန်ပြီလဲ

အစွမ်းကုန် ဖွင့်ကာထားတဲ့

ဆူးလက်တွေရဲ့ရာဇ၀င်မှာ

ကမ္ဗည်းမတင်ဖို့ ငါ့သမိုင်းကို ငါ့သွေးနဲ့ ငါရေးတယ်

ဟိုးအမြင့်မှာ ပွင့်ဝေပေမယ့်

ကြယ်တွေကြဲဖြန့်သလို ကြွေခ

(သစ္စာ) ရနံ့မပြယ်တဲ့ ခရေအစအနနဲ့ပဲ

ဘ၀ကိုသီကုံးလို့ ငါကိုးကွယ်မယ်....

ကိုယ့်အရိပ်ကိုယ်ဖိနေတဲ့

ပန်းပွင့်တို့ရဲ့စီးချင်းမှာ

ကိုယ့်အဆိပ်ကိုယ်မမိဖို့တော့

(နင့်အတွက်) ငါဆုတောင်းခဲ့တယ် နှင်းဆီ....။      ။

♥ မိုးဇက်ဒီမွန်း ♥