Friday, January 4, 2013

“ငါကိုယ်တိုင်...ငါ့ကိုယ်ငါ.....ဖြေသိမ့်ခြင်း”


အချစ်ဆိုတဲ့.....၀န်ထုပ်ဝန်ုပိုးကြီး

ငါ့ ရင်ဘတ်ပေါ်က လျှောကျသွားချိန်

ငါ..ပေါ့ပါးသွားမယ်ထင်ခဲ့တာ....
.

အမည်ဖော်ရခက်တဲ့ ဝေဒနာတွေ
ထင်တာထက် လေးလံလာလို့

ဒီတစ်ညတော့.....ထမ်းလိုက်ဦးမယ်
.....

မနက်ဖြန်.....မနက်ဖြန်ကျရင်တော့
.......

အိုဇုန်းလွှာအပေါက်အပြဲနဲ့

ဂြိုလ်ပြာကြီး နာမကျန်းတာထက်

ရင်ဘတ်အပေါက်အပြဲနဲ့

ငါ့နှလုံးသား နာမကျန်းတဲ့အရေးအတွက်

အချိန်ဆိုတာကြီးဆီ အပ်နှံရဦးမယ်......

ငါ....ကိုယ်တိုင်ရေးတဲ့ ဇာတ်ထုပ်

ငါ.....ကိုယ်တိုင်မသိမသာကတဲ့ ဇာတ်ရှုပ်

ငါ.....ကိုယ်တိုင်...ငါ့ကိုယ့်င
ါပဲ...အပြစ်တင်လို့......

ခဏလေး....

ငါ့ကိုယ်ငါ ပြန်လည်တည်ဆောက်လိုက်ဦးမယ်....
..

အချိန်တစ်ခုလောက်.........


• မိုးဇက်ဒီမွန်း •

Tuesday, January 1, 2013

“ငါ…ကဗျာရေးပါသည်…”


ငါ….ကဗျာရေးပါသည်….
လွမ်းလွန်လွန်း၍ ကဗျာရေးပါသည်…
စံပယ်တွေ စံပယ်လိုပွင့်
ဒဏ်ရာတွေ ရင်မှာနင့်လို့ ကဗျာရေးပါသည်…
မိုးခြိမ်းလို့ တိမ်ရိုင်းတွေငိုတိုင်း
မိုးတိတ်လို့ သက်တံ့တွေစိုတိုင်း
ဆွံ့ပျံ့နွမ်းလျစွာ ကဗျာရေးပါသည်…
အစာအိမ်ယဉ်ကျေးမှုမှာ
အသပြာကကွက်တွေ ကကြိုးပျောက်
မွတ်သိပ်လောင်မြိုက်မှုအောက်က
ချစ်သူရဲ့ ခြေစုံကန်မှုကြောင့် ကဗျာရေးပါသည်…
အပ်ကြောင်းထပ်ပြီးသား
ခေါက်ရိုးကျိုး ပျော်စရာအရိပ်တွေ
ဟိုး….ခပ်ဆွေးဆွေးအတိတ်တွေ
တစ်ခါတစ်လေ တူးဆွထုတ်ဖော်
ယောင်ဆောင်ပျော်လို့ ကဗျာရေးပါသည်…
သမုဒ္ဒရာအတွင်း ဖြည့်တင်းဖို့
စာရိတ္တတွေ သိက္ခာတွေ
အသိတရားတွေ ပညာတွေ
မာနတွေ ချရောင်းတဲ့ပွဲကို
ဗလာစိတ်နဲ့ တစိမ့်စိမ့်ကြည့်ရင်း
တိတ်တဆိတ်လေးပဲ ကဗျာရေးပါသည်…
အမိုးအကာအပေါက်အပြဲနဲ့
နာမကျန်းတဲ့ ဂြိုလ်ပြာကြီးပေါ်
သွေးသံတရဲရဲ ပြာမွဲမွဲနဲ့
ပေါက်ကွဲနေတဲ့ စစ်တလင်းတွေ
စိမ်းလန်းစွာနဲ့ ငြိမ်းချမ်းဖို့အကြောင်း
တောင်းဆုခြွေလို့ ကဗျာရေးပါသည်...
သုံးရာသီစက်ဝိုင်းမှာ
သစ်ရွက်ကြွေသံကြောင့် … ရွက်သစ်ဝေသံကြောင့်
မိုးထစ်ချုန်းသံကြောင့် … မိုးတိတ်သွားသံကြောင့်
နှင်းပွင့်ဝေသံကြောင့် … နှင်းခက်ပျယ်သံကြောင့်
… … … … … … … … … … … … …. …. ...
ငါ….ကဗျာရေးပါသည်….ငါ…ကဗျာရေးနေပါသည်……

♥ မိုးဇက်ဒီမွန်း ♥