သုည

သုည

ကားမရှိ…ဖုန်းမရှိ…ငွေမရှိ….

ယိုင်ကာဓနိမိုး အိမ်တစ်လုံးတောင်မရှိ…..

ရေ၀ပ်ဗွက်ထူ မြေတစ်ကွက်တောင်မရှိ…..

မရှိခြင်းတွေ ကြွယ်ဝတဲ့ ဘ၀တစ်ခုတော့ရှိတယ်…..

စက္ကူဖြူတစ်ရွက်ရယ်

ဘောလ်ပင်တစ်ချောင်းရယ်

တပတ်နွမ်းနှလုံးသားတစ်စုံရယ်

ငါ့အိတ်ကပ်ထဲမှာရှိတယ်…..

သွေးကြောထဲ စိမ့်ဝင်စီးနေတဲ့

ကဗျာမှော်သားတွေ ရှိတယ်…..

ရေးရင်း ဖျက်ရင်း ဆက်ရင်း

အဆုံးမသတ်သေးတဲ့

ရင်ကွဲဇာတ်ကဗျာ 1,2,3…….,x ရှိတယ်….

အိပ်မက်ထဲက ချစ်သူပေးတဲ့

ပန်းတစ်ခက်နဲ့ အနမ်းတစ်ပွင့်

အိပ်မက်ထဲမှာပဲ ရှိဦးမယ်…..

ရန်ခုန်သံနဲ့ ထုဆစ်ထားတဲ့

ပုံရိပ်တစ်ခု နှလုံးအိမ်ရဲ့

ထောင့်ချိုးတစ်ခုမှာ ရှိတယ်….

အခု….ဝေခွဲရခက်တဲ့ မျက်ရည်တစ်စ

ငါ့မျက်ဝန်းမှာ ရှိနေတယ်…..

အနာဂတ်တိုက်အိမ် လေထဲမှာဆောက်ဖို့

ရှေ့မှာ လမ်းတွေရှိတယ်

ငါ….ဘယ်လမ်းကို လျှောက်ရမလဲ…..

သတ္တိမရှိဘူးတဲ့…..ပြောပါချစ်သူ..ပြောပါလေ…..

ပခုံးတန်းမှာ ကြယ်ဆိုင်းထမ်းနဲ့သူလို

ဂုဏ်ဒြပ်တွေ ငါ့မှာမရှိ….

ရေမီးစုံတဲ့သူတွေလို “ချစ်တယ်”ဆိုတဲ့

စကားနှစ်ခွန်း ဟောကနဲ

ပြောနိုင်ဖို့သတ္တိ ငါ့မှာမရှိ…..

ပါရမီရှင်တစ်ပါးလို

ကြီးမားတဲ့ ခန္တီတရားလည်း

ငါ့မှာမရှိ….

ဒါပေမယ့်…

ဥပက္ခောပြုခြင်းသီအိုရီတစ်ခုတော့

ငါ့မှာရှိတယ်….

ထိန်းချုပ်မျိုသိပ်ခြင်း အတတ်တစ်ခုရှိတယ်…..

ဖုံးကွယ်ပြုံးရယ်တတ်တဲ့

မျက်နှဖုံးတစ်ခုလည်း ရှိသေးတယ်….

ရောင့်ရဲတတ်မယ်ဆို…….

မရှိခြင်းတွေကြွယ်ဝတဲ့

ဘ၀တစ်ခုရှိနေသေးတာ ငါ..ကျေနပ်တယ်…….

 

♥ မိုးဇက်ဒီမွန်း ♥